Marknad og Fest i Røldal!
Dalabrygg er tilbake på Røldalsmarknaden etter nokre års pause. Desse karane frå Skare har årelang erfaring i å brygge øl. Her kan du fort plukke opp nokre tips på brygging, og du får oppleve koking, lått og løye i Grindverksbygget dei held til i på marknadsplassen.
Samson Øvstebø og Hege Iren Aasdal er nåken av svært få her i landet med god kunnskap om korgfletting. Dei kjem til marknaden med demo, kurs, utstilling og sal av gamalt handverk – Kjiper, korger og lindebast.
Dei vil og ka kurs i «Fletting av tradisjonelle korger av høvla furuspon«
Fururspon har tradisjonelt vore mykje brukt til korger, og spon har vore delt for hand og høvla med høvel. Sponkorger krever tettvokst og rettvokst furumaterial. På marknaden kan du komme og lage deg ei sponkorg! Det er plass til 4 stk om gongen og me begynner kvar heile time. Du får lage deg ei skråfletta sponkorg av høvla furuspon, og lære om materialet og utvinninga av dette. Det er berre å kontakta Hege Iren el Samson på standen rett etter inngonspartiet.
Samson Øvstebø og Hege Iren Aasdal held salsutsilling og demo på korgfletting, kjipebinding, tauverk mm. Dette er handverk som går mange hundre år tilbake i tid. I tillegg kan du melde deg på kurs i «Lindebast» (Søndag 25.juni kl.12.00-14.30) Pris på kurset er nok 400,- Påmelding til post@roldalsmarknaden.no – Begrensa plassar, så første mann til mølla. Handverkarane held til i telt på marknadsplassen.