Demo gamalt handverk – Korgfletting og Kjipebinding

Samson Øvstebø og Hege Iren Aasdal held salsutsilling og demo på korgfletting, kjipebinding, tauverk mm. Dette er handverk som går mange hundre år tilbake i tid. I tillegg kan du melde deg på kurs i «Lindebast» (Søndag 25.juni kl.12.00-14.30) Pris på kurset er nok 400,- Påmelding til post@roldalsmarknaden.no – Begrensa plassar, så første mann til mølla. Handverkarane held til i telt på marknadsplassen.

Marknadslotteriet!

Ingen marknad utan lotteri. Me har som vanleg ein haug med flotte premiar til heldige vinnarar. Hugs at alle inntekter går tilbake til marknaden og laga som står bak. Så ein støttar ein god sak. Trekning i teltet søndag kl.15.30.

Gregorsky BrickWorld 

Gregor frå Legomasters kjem til marknaden med tonnevis av legoklossar, aktivitetar, byggging og konkurransar. Du finn han på biblioteket på skulen.

Ansiktsmåling for born

Aud Reidun Solberg er som vanleg på plass under Røldalsmarknaden med sine fantastiske ansiktsmåleri. Ho er rett og slett superproff, og ungane kan glede seg til ansiktsmåling av høg kvalitet!

Aktivitetspark for born- og unge

LM Baptista frå Karmøy kjem med kjekke aktivitetar for born- og unge. Bumberbilar, Bumperbåtar, Vatnsylindar med meire. Gratis!